A Biblioteca Municipal Sagrada Familia abriu as súas portas ao público no barrio do mesmo nome no ano 1991, froito da vontade dun padroado integrado por unha obra benéfico social e o Concello da Coruña.

Dende entón, o crecemento da afluencia e demandas dos veciños e veciñas, e a súa implementación como lugar de referencia cultural na zona foi constante. Froito desta evolución, ao longo dos anos 2002 e 2003 amplíase e refórmanse as instalacións e os servizos da biblioteca. Actualmente dispón dunha planta de 740m2, organizada en dúas salas e unha aula de formación, ademais do depósito e da zona de traballo.

O barrio de Sagrada Familia ten unha gran densidade de poboación, sendo un dos núcleos máis importantes de poboación inmigrante da cidade.

A Biblioteca Sagrada Familia pódese definir como unha biblioteca de barrio que trata de ser motor de impulso e promoción para a reacción cultural entre os seus veciños e veciñas, ademais dun recurso que posibilite a igualdade social de oportunidades no acceso á información nunha época na que se se adquiriu un valor transcendental.